منتديات أبناء جبل موية


تقافية اجتماعية فنية
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
منتديات ابناء جبل مويا ترحب بالزوار والأعضاء الجدد في رحابها متمنيين لهم قضاء أجمل واسعد الاوقات

      &&&&&&&         دعوة: لجميع الاهل بجبل مويا للانضمام لركب منتديات جبل مويا

تم إنشاء وافتتاح المنتدي في 1 اغسطس 2009
.هذا رقم الجمعية:(0917366766) بطرف إبراهيم الفاضل
منتديات ابناء جبل مويه تدين وتستنكر الهجوم علي منطقة هجليج الغنيه بالنفط وتعلن جاهزيتها خلف القوات المسلحه
تدعوكم رابطة ابناء جبل مويا بالجامعات والمعاهد العليا للانضمام لركبها

شاطر | 
 

 مواسير الهلال والانهيار في الجبال

اذهب الى الأسفل 
كاتب الموضوعرسالة
حمدالنيل
مشرف المنتدي الرياضي
avatar

عدد المساهمات : 18
تاريخ التسجيل : 26/11/2009
العمر : 36

مُساهمةموضوع: مواسير الهلال والانهيار في الجبال   الجمعة مارس 26, 2010 7:07 am



انكشف المستور وظهرت حقيقة الوصيف صاحل الصفر الدولي الكبيررررررررررر
بعد ان افلس الارباب وزادت ديون الهلال ودخل حراسة الشمالي مرتين
فانهزم بهدفين مع التلاعب طيلة زمن المباراة بمواسير الهلال وهي تتطاقش
لو لو بس انسحب كان ما انهزم
وبعدين يشتكوا للوزير ليعيد المباراة كما فعلوا مع نيل الحصاحيصا

اخر خبر الهلال يشتكي والارباب يقول في الشكوى

1- قدم لنا هلال كادوقلي عصير احمر مما جاب للاعبيين لفه
الظاهر مخلوط بي سفه
2- الملاعب مرشوش بمادة غير طبيعية لها ريحة جبلية

3- الحكم طاشي شبكه فلم يستطيع ان يفرق بين هلال امدرمان وهلال الجبال
وقد قبل شداد الشكوى
توقعوا اعادة المباراة ؟؟؟؟؟؟؟؟؟؟؟؟؟؟؟؟؟؟؟
[
/font][flash][/flash]
الرجوع الى أعلى الصفحة اذهب الى الأسفل
عبدالرحمن الفضل
نائب المدير العام
نائب المدير العام
avatar

عدد المساهمات : 250
تاريخ التسجيل : 05/09/2009

مُساهمةموضوع: رد: مواسير الهلال والانهيار في الجبال   الثلاثاء مارس 30, 2010 4:41 pm

المريخ دا خاف هو برشلونة السودان، يا أخينا السودان دا أصلو ما فيهُ كورة ما تمرضونا ساي، لو الهلال تعبان أنت (المريخ) ليه بقى وصيفهُ المزدوج لهذا الموسم، إذن المريخ ميت عديل.
الرجوع الى أعلى الصفحة اذهب الى الأسفل
سليمان عمر على فقيدة
الامين العام
avatar

عدد المساهمات : 87
تاريخ التسجيل : 20/10/2009
الموقع : slovakia ---------Bratislava- suliemanf@yahoo.com

مُساهمةموضوع: قال مواسير قال .............   الثلاثاء أبريل 06, 2010 9:26 am

شوف المواسير دى بتغرق كيف


اربعة مع سبق الاصرار والترصد
< نحن قاصدين كدا.

< اي حاجة عندنا بي نظام.

< اربعة...في يوم اربعة...في شهر اربعة...وكل حاجة بي اربعة.

< يا ناس افريكا سبورت انتوا الله مرقكم ساكت.

< لو لعبتوا معانا يوم (سبعة)...كنتوا بقيتوا زي ناس المريخ ..يوم قابلوا (الوحدات).

< اكرم من موسي الزومة ما تفرزو. مازدا من بلة جابر...ما تعرف. كلهم بقوا (موسي الزومة).

< اخذوا (سبعة) عديل.

< لكن مع دا ...المريخ احسن منكم يا ناس افريكا...علي الاقل المريخ اتغلب بي سبب.

< قالوا (البرد)...وقالوا (المطر)...انتوا كنتوا بتقولوا شنو يا ناس افريكا؟.

< كان إلا تقولوا : (شارع الاربعين فيه اختناق مروري) يا ناس افريكا.

< زي الزول الوقع من (القطر)...قام يتنفض بعد القطر فات وقال : (سواقين الركشات دي سواقتهم زي الزفت). ناس افريكا سبورت ديل عندهم حارس مرمي زي (الاجازة البدون مرتب) .

< انا ما عارف (سيف مساوي) دا اتصرف معاه كيف؟...اي كورة عالية شالها منو.

< انت يا ود الناس (طولك) دا عاوز بيه شنو؟...زول اربع طوابق يجيبوا فيه اربع اقوان.

< كل طابق بي قون. انتوا عارفين الحكاية شنو؟. هيثم مصطفي حفظه الله ورعاه ...كتب لي حارس افريكا سبورت ..اربع حبات. حبتين بي فوق وحبتين بي تحت. يعني زي حبتين صباح وحبتين مساء.

< مساوي ..قال خلوا لي حبتين (الصباح)...انا مسؤول منهم...صاحبكم مساوي خلي ليك الحارس يتطاول زي شفع سنة اولي.

< حارس (بطاوح) ساكت. الحارس تقول واقف ليه في (سقالة) المباراة كلها (يطاول).

< انا كنت قايل الحارس دا تامنو بي (استوبر وباك). حارس كشافات الهلال شكن منو.

< اما امبيلي...فقد تولي حبتين المساء...(الشغل ارضي ساكت).

< مية مرة بقول ليكم: اي حاجة نحن عندنا بي نظام. ما بتصدقوا.

< اعمل ليكم شنو انا اكتر من كدا؟.

< ناس المريخ... بتوع التمهيدي..لعبوا مع الغزالة.

< دا زي الزول الكبير ...وبقرأ في نشيد (دجاجي يلقط الحب وبجري وهو فرحان).

< المريخ مرة لعب مع (جاموسة)...الجاموسة طلعت المريخ.

< ومرة لعبوا مع (ارانب) الكونفدرالية.

< اخر حاجة ...جابوا ليهم فن جديد.

< تتخيلوا الجماعة ديل لعبوا مع (الغزالة).

< نحن ناس صعبين...من (الافيال) ولي فوق.

< المحيرني...(الغزالة) الضهبانة دي الجابها في بطولة الاندية الافريقية للابطال شنو؟.

< الغزالة دي بتكون دخلت غلط.

< احتمال تكون شافت ليها (غزالة) متلها ...قام افتكرت البطولة دي بطولة غزلان ساكت.

< المباراة دي كان تكون في (الدندر).

< في واحد قال لي : انت عارف الفريق التشادي لو اشتكي المريخ ..ممكن يكسب نتيجة المباراة.

< قلت ليه يشتكي المريخ في شنو؟.

< قال لي ناس المريخ جابوا قوات الشرطة لتأمين المباراة...في الوقت الذي كان يجب ان يأتي المريخ بي قوات (حرس الصيد) لتأمين المباراة.

< بتلعبوا مع (غزالة) يعملوا ليكم شنو يعني؟.

< انتوا عارفين (الغزالة) دي طُعم...عشان تدخلوا المصيدة. عارفين الغزالة طعم لي شنو؟.

< طعم ليكم عشان تدخلوا دور الـ 16.

< في دور الـ 16 عارفين بتقابلوا منو؟.

< في دور الـ 16 ..راجيكم اسد الشمال الافريقي.

< راجيكم (الترجي). يعني باختصار شديد جدا.

< وبدون لف ودورن.

< الشافكم بتلعبوا مع (الامل) في بطولة واحدة ما كذب. الكونفدرالية ظاهرة في وشيكم.

< واكبر دليل علي كلامي دا...ناس المريخ قالوا عاوزين يستعينوا بي (محمد الطيب) كمساعد لمدرب المريخ. عارفين جايبين محمد الطيب ليه؟.

< عشان محمد الطيب عمل ليه خبرة كويسة في (الكونفدرالية). شغل الافيال والاسود والنمور دا ما بتقدروا عليه.

< انتوا ممكن تلعبوا مع جاموسة ...مع ارنب ...مع غزالة...اكتر من كدا لا.

< اكتر من كدا بتروحوا فيها عديل.

< البسوي المريخ في (الغزالة) يلقي من الترجي.

< انا عندي فكرة. احسن تصرفوا من الان ..بدل ما تضيعوا الوقت ساكت.

< قبل مباراة الترجي ...اقلبوا فريقكم دا فريق (طايرة)...عشان تمقلبوا (الترجي).

< انتوا الوحدات ادتكم سبعة...الترجي يعمل ليكم شنو؟. دا انا بخاف من (الغزالة) يطلع لي (اسد). الاسد ...جاكم.

< من هسع جهزوا (بردكم).

< قولوا في (مطر)...مهدوا للخسارة من الان.

< دا انا بخاف من الغزالة يطلع لي (أسد).

< يا مجاهد مفروض من هسع تدخل ليك معهد للحسابات. عشان بعدين ما يكون في غلط في العدد. الشيء يمكن تكتر عليكم.

< برضو الغلط بحصل.

< يا اكرم ...(حصوتك) ما تجازف بيها ساكت.

< الحصوة دي براحة ممكن تمرقك من مباراة الترجي. طلع شهاداتك الطبية...عشان ما تشطب في يونيو ساكت.

< مباراة الترجي دي مباراة (شطب).

< مباراة جرد...عشان تبقوا عارفين.

< دا انا بخاف من (الغزالة) يطلع لي (أسد).

< طبعا بلة جابر ...وطارق مختار يمكن يغادروا في يونيو. الزول المفارق واضح. زول الشطب ظاهر.

< سفاري مستواه الايامات دي زي مستوي (ايمان البحر درويش).

< طبعا ايمان البحر درويش ما حصل لعب كورة. ولا شافها.

< تتصوروا سفاري...شايلو (نجم الدين).

< المريخاب الي الان ما بعرفوا نجم الدين...تلقاهم ..قالوا نجم الدين دا بيلعب وين كمان؟.

< خلاص عاوزين تنكروه.

< يا سفاري اتخارج.

< الترجي بي حالتك دي بفرتكك حرف ..حرف.

< دا انا بخاف من (الغزالة) يطلع لي (اسد).

< قالوا ليك مرة : في لاعب من المريخ لقوه بقول : سا سا سا سا سا..

< قالوا ليه : سالم.

< قال ليهم : سا سا سا سا سا سا...

< سواكن.

< قال ليهم :سا سا سا سا سا.

< سلوي.

< قال ليهم: سا سا سا سا سا..

< قالوا ليه : سادومبا.

< قال ليهم : سادومبا هين ...امبيلي دا البمسكو ليكم منو؟....امبيلي دا تقول (ريحة) ما بتمسك.

< غايتو جنس (امبلة).

< نحن اصلو ناس (حسابات).

< حاجاتنا كلها مدروسة ومخططة.

< بالمقاس...الشيء عندنا (حسابات)...ما عندنا حاجة ساكت.

< دا انا بخاف من (الغزالة) يطلع لي (اسد).

< مرة استدرجنا (الاهلي) المصري دا لما جبناه (المقبرة).

< جبنا ليك الحضري وابوتريكة وبركات...ونزلنا (كرنقة) في الجماعة.

< ناس شوبير ديل ما فهموا اي حاجة.

< جوزية دا قالوا ليك الي الان وقت يتذكر المباراة دي بقطع ليه (جك موية).

< ضربنا الاهلي ثلاثة.

< طبعا نحن عقوبة الاستفزاز عندنا (ثلاثة) اهداف.

< ناس ناساروا ديل مرة برضو (ثالثناهم).

< لما فهموا اي حاجة.

< بعد المباراة قالوا ليك المدرب ظهر في فضائية نيجيرية ...بياكل في اصبعو.

< عشان تاني تصرح.

< المريخ دا...وصيفنا ...العارفنو وشايفنو قدامكم دا. برضو مرة انزلنا عليه عقوبة (ثلاثية)...في البطولة الافريقية. عقوبة (ضبح) عديل. ضبح ايفوسا نسيتوه.

< سادومبا في كأس السودان ..قال عندو براه ثلاثية...لكن الحكم في قون ما حسبو ليه.

< عقوبة سادومبا...معاها حصوة واكل نجيلة.

< هسع ناس الهلال الظاهر عليهم رفعوا العقوبة شوية. رفعوها من الثلاثية الي عقوبة رباعية.

< عشان كدا يا الاسماعيلي خليك جاهز.

< من هسع نحن ما بنقبل غير اربعة في الاسماعيلي. ناس الاسماعيلي ديل كل ما نجيب لينا مدرب يحوموا حولو.

< داريوكان ما ريحونا فيه. خلاص العقوبة صدرت...باقي التنفيذ. بس ان شاءالله ما تبقي زي عقوبة وارغو.

< ملحوظة: انتوا موضوع وارغو الحصل فيه شنو؟.

هوامش

< خليفة يفترض ان يعاقبه مجلس ادارة نادي الهلال اضافة للعقوبة التي اصدرها عليه حكم المباراة.

< معقولة يا خليفة...انت بتلعب في حوش بيتكم.

< كان يمكن ان يخسر الهلال نتيجة المباراة لو حدثت هذه الحالة في الشوط الاول.

< انت كمان ما تبالغ ..يعني عاوزها تحدث قبل الكرت الاصفر الاول.

< الهلال سوف يفقد خليفة في مباراة الهلال القادمة والتي سوف تكون امام الاسماعيلي.

< وهذه خسارة للهلال كانت بسبب سوء تصرف خليفة.

< معاقبة خليفة ضرورية من قبل مجلس الادارة.

< امبيلي مع سادومبا ...اي دفاع موش ح يقدر يغمض عينيه.

< بيجبوا الدوار.

< هيثم مصطفي رغم الارهاق والاستفراغ ...كان من نجوم المباراة ..وصنع هدف (برنساوي).

< مهند الطاهر كان بعيد عن مستواه.

< مساوي ..في المقدمة بجيب قونو ..بجيبو.

< علاءالدين يوسف قدم مباراة كبيرة وكان النجم الاول للمباراة ..واجمل من هذا كان هادئ ورزين رغم استفزاز لاعبي افريكا للاعبي الهلال ، حيث تعرض لاعبي الهلال لضرب بدون كورة وكان الحكم بتفرج.

< مع ذلك لم يخرج فييرا من الهدوء الذي تميز به في المباراة ولم تفارقه ابتسامته.

< ديمبا ايضا قدم مباراة كبيرة.

< المعز محجوب اصبح اكثر مسؤولية وخبرة في التعامل مع مثل هذه المباريات.

< مباراة الاسماعيلي منذ الان تحتاج الي استعداد خاص.

< وتحتاج قبل كل ذلك الي تواجد جماهيري كبير وتشجيع داوي.

< من هسع جهزوا (المقبرة).

< الضحية القادمة ان شاءالله (اسماعلاوية).

< نحن الحضري في الاسماعيلي بنلحقو.

< عندنا باقي حساب.

< بس ان شاءالله الحضري يرجع.

< مفروض صلاح ادريس يحل مشاكل الحضري.

< ان شاءالله يحلها سعد العمدة...ما عندنا مشكلة.

< المهم الحضري يلعب المباراة.

< اي حاجة نحن عندنا بي نظام.

< خبر عاجل: دا انا بخاف من (الغزالة) يطلع لي (أسد).
منقول للاهمية ..................ززز
الرجوع الى أعلى الصفحة اذهب الى الأسفل
 
مواسير الهلال والانهيار في الجبال
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أبناء جبل موية  :: الفئة الأولى :: المنتدي الرياضي-
انتقل الى: