منتديات أبناء جبل موية


تقافية اجتماعية فنية
 
الرئيسيةالبوابةاليوميةمكتبة الصورس .و .جبحـثقائمة الاعضاءالمجموعاتالتسجيلدخول
منتديات ابناء جبل مويا ترحب بالزوار والأعضاء الجدد في رحابها متمنيين لهم قضاء أجمل واسعد الاوقات

      &&&&&&&         دعوة: لجميع الاهل بجبل مويا للانضمام لركب منتديات جبل مويا

تم إنشاء وافتتاح المنتدي في 1 اغسطس 2009
.هذا رقم الجمعية:(0917366766) بطرف إبراهيم الفاضل
منتديات ابناء جبل مويه تدين وتستنكر الهجوم علي منطقة هجليج الغنيه بالنفط وتعلن جاهزيتها خلف القوات المسلحه
تدعوكم رابطة ابناء جبل مويا بالجامعات والمعاهد العليا للانضمام لركبها
شاطر | 
 

 طرايف سودانية

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3, 4  الصفحة التالية
كاتب الموضوعرسالة
جلال الدين
مشرف المنتدي الديني


عدد المساهمات: 218
تاريخ التسجيل: 16/02/2010
العمر: 40
الموقع: المملكة العربية السعودية

مُساهمةموضوع: طرايف سودانية   الأربعاء مايو 12, 2010 6:49 pm

.
المطرة أنقطعت من شرق السودان سنتين ما صبت .. زرع ما فى .. قش مافى .. والبهائم بدت تنقرض , أهلنا فى درديب قالوا مافى طريقة إلا يصلوا للمطرة دى صلاة الإستسقاء عشان تجى.
أها يا جماعة .. صلاة الإستسقاء العارفه منو ؟؟. زول فيهم قال بقم مافى . بعد شوية واحد قال ليهم : خلاص يا جماعة .. أرحكم المدرسة يمكن حضرة الناظر يساعدنا !.
الجماعة مشوا المدرسة وكلموا الناظر . الناظر قال ليهم : خلاص .. نديكم أولاد سادسة يصلوا ليكم الإستسقاء .
الجماعة وقفوا فى حوش المدرسة يصلوا صلاة الإستسقاء مع أولاد سادسة , قبل ما ينتهوا من الصلاة دقتكم مطرة عملت سيل . الجماعة فرحوا فرح شديد , وجو للناظر: يا سلام .. يا أخى , شكرا يا حضرة الناظر .

الناظر أتكيف من الموضوع دا كيف شديد , وهو طالع مقدمن فى الباب قال ليهم : أها يا جماعة .. كمان يوم كان دايرين شكشاكة .. تعالوا نديكم أولاد سنة أولى !.
الرجوع الى أعلى الصفحة اذهب الى الأسفل
جلال الدين
مشرف المنتدي الديني


عدد المساهمات: 218
تاريخ التسجيل: 16/02/2010
العمر: 40
الموقع: المملكة العربية السعودية

مُساهمةموضوع: رد: طرايف سودانية   الأربعاء مايو 12, 2010 4:52 pm

رباطابى فكر يخلى شقاوة الزراعة ويعمل مزرعة دواجن , بى راس المال العندو زرب حوشو بشبك سلك وأشترى ديك وخمس دجاجات وشوال عيش . الدجاج بيًض والبيض فقس والرباطابى يرش للدجاج والسواسيو فى العيش صباح ومساء وهو يدوبى فرحان ببشاير المشروع .
صقر أبن كلب لما ليك فى السواسيو كف .. كف خطف شديد , والرباطابى مرة يجدع فى بي الحجار ومرة يسكو بالعكاز وهو يسب وبسخط .. والصقر قاعد فى راس البيت حالف ما يفوت حوش الرباطابى إلا يكمل السواسيو ديل .
أسبوع كامل , والصقر ما عندو شقلة غير سواسيو الرباطابى لامن كملن .. إلا من فرد ويحيدة .

الرباطابى مسك آخر سوسيوة فى أيدو , والمغصة دايرة تكتلو , مشى جاب شوال فاضى ونفش خيوطة فى النص ودقاهو بأوتاد من أطرافو فى نص الحوش وخت السوسيوةفى نص الشوال .. وقعد بعيييد .

الصقر جا يختف آخر سوسيوا وشبك فى الشوال , الرباطابى مسك الصقر وجاب مقص . قطع للصقر مخالب قدمو اليمين وقدمو الشمال من قعرن , ومسك منقار الصقر قصاهو ليهو من آخرو .. وفكا وقالو ( أها ... دحين شوفلك زولا يسوليك نشا ).
.
الرجوع الى أعلى الصفحة اذهب الى الأسفل
جلال الدين
مشرف المنتدي الديني


عدد المساهمات: 218
تاريخ التسجيل: 16/02/2010
العمر: 40
الموقع: المملكة العربية السعودية

مُساهمةموضوع: رد: طرايف سودانية   الأربعاء مايو 12, 2010 4:52 pm

أيام مايو , بنات الثانوى العالى عاملات مظاهرات ضد الحكومة . البوليس يضرب فيهن بمسيل الدموع ويسكهن .. والبمسكا يجيبا يركبا الكومر . الكومر أتملا بنات وحارسو شاويش رباطابى قاعد فى طرفو .

أدروب جا مارى لقى الكومر ملان بنات زى الفستق , وبدا يتلفت يمين شمال يفتش فى الطريقة التقعدو وسط البنات . بعد شوية أدروب بدأ يهتف من بعيد (تسقط مايو .. يسقط نميرى ) والرباطابى يعاين ليهو من بعيد ما شقالوبو الشقلة .

أدروب لامن زهج , قرًب شديد من الكومر , وفى وش الرباطابى بدأ يصرخ ويهتف (عاش كفاح الطبقة العاملة .. عاش الحزب الشيوعى السودانى) . الرباطابى نزل من طرف الكومر ودفر أدروب بعيد لامن رماه , وقالو (يازول أمش من هنا , والله إن بقيت لينين .. ما بتركب !).

.
الرجوع الى أعلى الصفحة اذهب الى الأسفل
جلال الدين
مشرف المنتدي الديني


عدد المساهمات: 218
تاريخ التسجيل: 16/02/2010
العمر: 40
الموقع: المملكة العربية السعودية

مُساهمةموضوع: رد: طرايف سودانية   الأربعاء مايو 12, 2010 4:54 pm

فلاتى شقال عتال فى سوق الخضار . تاجر بنقو , البوليس مراقبو ومتابعو , نادا الفلاتى وقال ليهو: تعال يا حاج محمد بالله شيل لى المقطف دا وصلو لى المحطة . الفلاتى شال المقطف المخيط فى راسو ومتابع تاجر البنقو , البوليس قبضم الإثنين .. وقدامن فتح المقطف لقى مليان قناديل بنقو فساقم دخلم الحراسة.

فى المحكمة , تاجر البنقو أصر أنو لا بيعرف الفلاتى دا ولا شافو قبل كدا . الفلاتى المسكين أخد سبعة سنين سجن !.

الفلاتى المسكين قضى مدتو وطلع من السجن ومشى بيتو بيًت وتانى يوم الصباح جا السوق يسترزق . واحد ود حلال كوركلو : بالله يا حاج محمد تعال شيل لى المقطف دا . الفلاتى عاين ليهو وهزا راسو (أ أااا .. حاج مهمد تانى ما يشيل إلا أنكوليب بسس).
الرجوع الى أعلى الصفحة اذهب الى الأسفل
جلال الدين
مشرف المنتدي الديني


عدد المساهمات: 218
تاريخ التسجيل: 16/02/2010
العمر: 40
الموقع: المملكة العربية السعودية

مُساهمةموضوع: رد: طرايف سودانية   الأربعاء مايو 12, 2010 5:18 pm

واحد أدروب فكر يعمل ليه مشروع كدا عشان يربحو فقام عمل ليهو مشروع دواجن في بحري أصلو أصحابوا قلوا ليهو الجداد بجيب قروش كتيرة في كسلا ....أها المهم عمك بعد ستة شهور عملن عشرة ألف جدادة وبدا في فكرة التسويق ....قام جاب ليهو لوري سفنجة شحنها ليك بالجداد واتحرك عاني كسلا...أول ما قطع كبري بحري على الخرطوم كبشوه ليك ناس الضرايب ..
وسألوه...يا أدروب إنت شاحن شنو ...قاليهم ...جداد يشحن والله..
طيب يا أدروب الجداد دا سمان كدي بتأكلو شنو يا أدروب ...(طبعا أدروب هنا طمع وفكر في الحوافز أو الإعفاء الضريبي)..فقام رد عليهم ...سمسم نأكل ...مسئول الضرايب قام صاح ليك في أدروب ...أدروب إنت مجنون العصارات واقفة وكمان تأكل الجداد سمسم...ألف جدادة غرامة ...أدروب أكلها في خاطرو وأتوكل...
في تفتيش سوبا نفس السؤال من ناس الضرايب...أدروب قاليهم بأكلو قمح ...شخطوا فيهو المسكين ...المخابز واقفة وتأكلوا قمح يا مفتري ...ألف جدادة غرامة ...
المهم كل ما يجي في نقطة تفتيش ناس الضرايب يملحوه ليك بألف جدادة قام أدروب زهج شديد وفضل معاه بس ألف جدادة وهو داخل على تفتيش كسلا ....الجماع ثبتوه ليك وسألوه نفس السؤال المحير ...الجداد دا بتأكلوا شنو يا أدروب سمااااااان كدي ...؟؟؟؟؟
أدروب قام قاليهم .....((الجداد بديهو قروش وبيأكل بطريقتو))...هههههههههههه
الرجوع الى أعلى الصفحة اذهب الى الأسفل
جلال الدين
مشرف المنتدي الديني


عدد المساهمات: 218
تاريخ التسجيل: 16/02/2010
العمر: 40
الموقع: المملكة العربية السعودية

مُساهمةموضوع: رد: طرايف سودانية   الأربعاء مايو 12, 2010 5:20 pm

تحياتي لكل الرايعين ....من أبناء وطني المثابرين والقابضين على الجمر ...بس قلنا نفك الدبرسة وكدا....
الرجوع الى أعلى الصفحة اذهب الى الأسفل
مها اللنقلتش
المشرف العام


عدد المساهمات: 351
تاريخ التسجيل: 04/11/2009
العمر: 32
الموقع: حي العمارنة قلب البلد

مُساهمةموضوع: رد: طرايف سودانية   الخميس مايو 13, 2010 4:57 am

تسلم يا سيدي والله ضحكتنا بجد تقبل مروري
الرجوع الى أعلى الصفحة اذهب الى الأسفل
بخيت حمدالنيل محمد
الرئس الفخري


عدد المساهمات: 300
تاريخ التسجيل: 05/11/2009
العمر: 46
الموقع: ukraine donetsk

مُساهمةموضوع: رد: طرايف سودانية   الخميس مايو 13, 2010 5:24 am

واحدة بلدياتنا عينوها مضيفة في سودانير .. اول رحلة طلعت فيها جات للكابتن
سألتو :اها نغرف العشا؟

واحد قال لي رباطابيه بريدك
قالت ليهو ص. ب. 144
رباطابي زوجته وضعت له ولد بيشبهو شبه شديد عاين للولد وقال لزوجته دي بطن ولا مكنة تصوير

سألوا الجعلى ليه إتزوجت القبيحة دى فوق مرتك السمحة ديك ؟؟
الجعلى : الشينة دى لى حليفة الطلاق !!


عدل سابقا من قبل بخيت حمدالنيل محمد في الخميس سبتمبر 05, 2013 7:27 am عدل 1 مرات
الرجوع الى أعلى الصفحة اذهب الى الأسفل
بخيت حمدالنيل محمد
الرئس الفخري


عدد المساهمات: 300
تاريخ التسجيل: 05/11/2009
العمر: 46
الموقع: ukraine donetsk

مُساهمةموضوع: رد: طرايف سودانية   الخميس مايو 13, 2010 5:25 am

رجل قاعد في أمان الله يقرا الجريدة
بعد شويه زوجته ضربتو بالطوه التيفال على راسه
الزوج: مالك يا بنت الحلال؟
الزوجه: شنو الورقه دى الفى جيبك المكتوب عليها هنادي؟؟؟
الزوج: يا بنت الحلال، ده الحصان اللي رشحته الاسبوع اللي فات في سبق الخيل
الزوجه صدقته وراحت لحالها
مر اسبوع اخونا قاعد يقرا الجريده وتيجي مرته وتديهو بالطوه ‏التيفال على راسه
الزوج: يا ولية مالك جنيتى في شنو؟؟
الزوجه: حصانك على التليفون


عدل سابقا من قبل بخيت حمدالنيل محمد في الخميس سبتمبر 05, 2013 7:29 am عدل 1 مرات
الرجوع الى أعلى الصفحة اذهب الى الأسفل
بخيت حمدالنيل محمد
الرئس الفخري


عدد المساهمات: 300
تاريخ التسجيل: 05/11/2009
العمر: 46
الموقع: ukraine donetsk

مُساهمةموضوع: رد: طرايف سودانية   الخميس مايو 13, 2010 5:27 am

شيخ جامع قطع إشارة المرور الحمرا ركن علي اليمين وسجد سجود سهو
الرجوع الى أعلى الصفحة اذهب الى الأسفل
بخيت حمدالنيل محمد
الرئس الفخري


عدد المساهمات: 300
تاريخ التسجيل: 05/11/2009
العمر: 46
الموقع: ukraine donetsk

مُساهمةموضوع: رد: طرايف سودانية   الخميس مايو 13, 2010 5:27 am

إمراءة كبيرة من اهل العوض بتاخد فى حصة محو اميه وكان الدرس عن دخل حامد وخرج حامد
كل ماالاستاذ يقول دخل حامد تقوم المرة تغطى وشها
ولما يقول خرج حامد تفتح وشها
لما رجعت البيت زوجها سأله اها الليله ادوكم شنو؟
قالت ليه هو حامد خلانا نقرا طالع وداخل فينا
الرجوع الى أعلى الصفحة اذهب الى الأسفل
بخيت حمدالنيل محمد
الرئس الفخري


عدد المساهمات: 300
تاريخ التسجيل: 05/11/2009
العمر: 46
الموقع: ukraine donetsk

مُساهمةموضوع: رد: طرايف سودانية   الخميس مايو 13, 2010 5:28 am

إمراءة كبيرة من اهل العوض بتاخد فى حصة محو اميه وكان الدرس عن دخل حامد وخرج حامد
كل ماالاستاذ يقول دخل حامد تقوم المرة تغطى وشها
ولما يقول خرج حامد تفتح وشها
لما رجعت البيت زوجها سأله اها الليله ادوكم شنو؟
قالت ليه هو حامد خلانا نقرا طالع وداخل فينا
الرجوع الى أعلى الصفحة اذهب الى الأسفل
جلال الدين
مشرف المنتدي الديني


عدد المساهمات: 218
تاريخ التسجيل: 16/02/2010
العمر: 40
الموقع: المملكة العربية السعودية

مُساهمةموضوع: رد: طرايف سودانية   الخميس مايو 13, 2010 5:26 pm

شكر يا باشمهندس بخيت على إثراء البوست ...بروائعك الدسمة ...تحياتي
الرجوع الى أعلى الصفحة اذهب الى الأسفل
بخيت حمدالنيل محمد
الرئس الفخري


عدد المساهمات: 300
تاريخ التسجيل: 05/11/2009
العمر: 46
الموقع: ukraine donetsk

مُساهمةموضوع: رد: طرايف سودانية   الخميس مايو 13, 2010 8:01 pm

تشكر يا قرابة يا ابو الجل وانشاء الله عودة حميدة واذا اتصلت بناس البيت سلم عليهم كثير
الرجوع الى أعلى الصفحة اذهب الى الأسفل
جلال الدين
مشرف المنتدي الديني


عدد المساهمات: 218
تاريخ التسجيل: 16/02/2010
العمر: 40
الموقع: المملكة العربية السعودية

مُساهمةموضوع: رد: طرايف سودانية   السبت مايو 15, 2010 2:44 pm

يبلغ يا حبيب ....وزي ما طلبت سابقًا صار لدي برنامج سكايبي بس في مشكلة صغيرة في الجهاز ...وأوعدك أول ما تنحل إن شاء الله حنبدأ في التواصل الإسفيري...تحياتي لك وللجميع
الرجوع الى أعلى الصفحة اذهب الى الأسفل
 

طرايف سودانية

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 4انتقل الى الصفحة : 1, 2, 3, 4  الصفحة التالية

 مواضيع مماثلة

-
» جلد فتاة سودانية

صلاحيات هذا المنتدى:لاتستطيع الرد على المواضيع في هذا المنتدى
منتديات أبناء جبل موية  ::  :: -