منتديات أبناء جبل موية


تقافية اجتماعية فنية
 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
منتديات ابناء جبل مويا ترحب بالزوار والأعضاء الجدد في رحابها متمنيين لهم قضاء أجمل واسعد الاوقات

      &&&&&&&         دعوة: لجميع الاهل بجبل مويا للانضمام لركب منتديات جبل مويا

تم إنشاء وافتتاح المنتدي في 1 اغسطس 2009
.هذا رقم الجمعية:(0917366766) بطرف إبراهيم الفاضل
منتديات ابناء جبل مويه تدين وتستنكر الهجوم علي منطقة هجليج الغنيه بالنفط وتعلن جاهزيتها خلف القوات المسلحه
تدعوكم رابطة ابناء جبل مويا بالجامعات والمعاهد العليا للانضمام لركبها

شاطر | 
 

 العرس قسمة ونصيب

اذهب الى الأسفل 
كاتب الموضوعرسالة
محمد عيسى شوين
مشرف المنتدي الثقافي
avatar

عدد المساهمات : 539
تاريخ التسجيل : 19/05/2010
العمر : 40
الموقع : دولة الجبل: مدينة أبوحواء

مُساهمةموضوع: العرس قسمة ونصيب   الأربعاء يونيو 16, 2010 3:22 am

زولتنا كانت سمحه جد
في عيونا كان الليل لبد
و في رموشا كان القيف كان شرد
و في الضحكه بصب البرد
و لكل سوال كان للجمال في عيونا رد
و زولنا كان بريدا جد في ريدا ما كان ليها حد و القصه عارفها البلد
بلقها لو يوم قام فجر في ونسه في شاي العصر
جنب بيتا لو حايم كدر
و دايما حديثوم في العرس
وكيف يلملمولو قرش قرش
و كيف يبنو من ساسو التحت لمن يودهو العرش
و كانو عايشين في غرام لافيهو خداع لافيه غش لا فيه كرامه بتنخدش
و تمر سنين بكل حنين لا فيها الم لا فيها انين
و زولتنا كان حافظا الوعد و لزولنا تب ما تغيرت لا من قريب لا من بعيد
و ياهو البحصل يا اهل لو كان صحيح الزول بريد
و صاحبنا بلم في المهر بالرغم من دخلو البسيط 200 جنيه اخر الشهر
فيها الاكل و فيها اللبس و فيها العالج فيها الوفر
و شان كنتي يالسمحه الامل
لا كدة لا ضاق بيهو فتر
بالرغم من حالو الصعب و بالرغم من دخلو الكعب
بالرغم من تعبو الشديد شان كان صحيح الريده في دم الوريد
بس بالزمن السمحه يوم اتغيرت و يما الزمن ياكل الحديد
السمحه ليه اتبدلت لزول تعب و نست الحنان في القلب
و السمحه ليه اتغيرت لي زول بحب و القصه ما كانت كضب
0*0*0*0*0*0*0*0*0*0*0*0*0*0*0*0*0*0*0*0*0*0*0*0*0* 0
زولتنا بلا مغترب
السمحه بلا مغترب زولتنا يوم الوافقت صاحبنا في المقلب شرب
و كان العذراصلو العرس قسمه و نصيب
صاح يا اهل اصلو العرس قسمه و نصيب
بس يا اهل وين قسمه الخاضو الحرب
طول عمرهم لا اتغيرو لاحدو يوم من الدرب
و ين الحنان و ين المشاعر الفي القلب
بعاهوا بكوم الشنط
بعاهوا بالجزم ام سست
بعاهوا بالكمين جنيه و الكم شبط و الكم جنيه القالو لي قطع الرحط
بعاهو بصقفة بنات زغريد حريم وعلب كريم
وادوك للبقدر يجيب
و قالو العرس قسمه و نصيب
0*0*0*0*0*0*0*0*0*0*0*0*0*0*0*0*0**0*0*0*00**0*0*0 *0*0*0*0*0*0*
و لو عارفه يا زينة البنات دقو الجرس بعاوك في سوق الرقيق
ودوك في اخطر طريق من دون رفيق من دون حبيب
ادوك للبقدر بجيب و قالو العرس قسمه و نصيب
و لو عارفه يا زينة البنات غشوك بيصوان كبير و عريس كمان في البدله عامل زي عوير
و البنسون اب عشرين كمان ولعه فيها صمام امان و كدوس عجيب دخانو بطلع بالاضان
و بنات عدد صفق الشجر
و السيره كان لا ليها راس لا ليها قعر و فنان يلعلع للفجر
و تطلبي شئ البيت قريب و التكسي بودي و يجيب
و قالو العرس قسمه و نصيب
و قالو العرس قسمه و نصيب
انشاء الله تعجبكم
تحايتي
الرجوع الى أعلى الصفحة اذهب الى الأسفل
محمد عيسى شوين
مشرف المنتدي الثقافي
avatar

عدد المساهمات : 539
تاريخ التسجيل : 19/05/2010
العمر : 40
الموقع : دولة الجبل: مدينة أبوحواء

مُساهمةموضوع: رد:- العرس قسمة ونصيب   الأربعاء يونيو 16, 2010 3:57 am

زمن صعب

صعب الزمن ان درت دارت بيك سنين لافحاك في كف القدر

فاكاك في وش الرياح ماخداك قصباً بالجبر

خاتاك في حضن الضياع خاتفاك من نص البشر

وات ماك بشر كيفن تكون متل البشر

والكل بيتامر عليك حتى الجمادات والحجر

بايعك نهاراً للضلام خاتيك في رف الفجر

تلقى الهجير متوسدك جادعك بعيد وقت العصر

ترجع توابيت الضلام وقت الفجر واقد جمر

تحلف تقول نار المقر

صيفك مازي الصيوف نارو بتهب ذي المطر

كان المطر بيجيب رزاز مطرك محمل بالجمر

بردك مو زي البرود موجه صقيع نص النهار

تقلب لهيباً في العصر

صعب الزمن ان دار بدور للودار

وان دار بيديك القمر

مرات يختك في السماء ويديك تاني المنحدر

ناس الزمن متعودين زيف المظاهر والدجل

كضب العدو .الاحتيال.قصصاً.خرافاتاً.فقر
الرجوع الى أعلى الصفحة اذهب الى الأسفل
عبدالرحمن الفضل
نائب المدير العام
نائب المدير العام
avatar

عدد المساهمات : 250
تاريخ التسجيل : 05/09/2009

مُساهمةموضوع: رد: العرس قسمة ونصيب   السبت يوليو 10, 2010 9:48 am

الأخ محمد عيسى
نعم العرس قسمة ونصيب لكن الشاكوش حار خاصة لمان اكون ذي بتاع أخينا دي.
لك التحية
الرجوع الى أعلى الصفحة اذهب الى الأسفل
محمد عيسى شوين
مشرف المنتدي الثقافي
avatar

عدد المساهمات : 539
تاريخ التسجيل : 19/05/2010
العمر : 40
الموقع : دولة الجبل: مدينة أبوحواء

مُساهمةموضوع: رد: العرس قسمة ونصيب   الإثنين يوليو 12, 2010 3:04 am



السيد نائب المدير العام الشيخ :-

أولا يسعدني مرورك وثانيا بالنسبة للشواكيش أكيد هو أخد شاكوش

بس بقول للجميع(الشباب ال على الباب) حاسبو حتى لا تقعوا في

شاكوش يكثركم، أما نحن فات فينا الفوات وأعتبرونا أصحاب خبرات

ولا شنو ياشباب .
الرجوع الى أعلى الصفحة اذهب الى الأسفل
 
العرس قسمة ونصيب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات أبناء جبل موية  :: الفئة الأولى :: منتدي الشعر والخواطر-
انتقل الى: