الانترنيت

من ويكيبيديا، الموسوعه الحره

خريطة الانترنيت جوه الكومبيوتر

الانترنيت عبارة عن نظام عالمى لتبادل المعلومات والبيانات عشان تنقل البيانات بطريقة تبديل الحزم باستعمال بروتوكول الانترنيت القياسي (Standard Internet Protocol -IP) عن طريق مجموعة من الكمبيوترات المتوصلة ببعضها, و بتتكون من مجموعة من الشبكات الصغيرة في البيوت و الجامعات و الشركات و الحكومات و المتوصلة ببعض علشان تدينا شبكة واحدة كبيرة, والكمبيوترات دى بتتوصل بمجموعة كبيرو من التوصيلات المختلفة زى كابلات فيبر اوپتيك (Fiber Optic), الاسلاك النحاس, لاسلكى و وسائل تانية كتير علشان تعمل شبكة عالمية كبيرة ممكن عن طريقها نتبادل الفايلات ونعمل شات و نلعب على النت و نعمل ايميلات.المحتويات [تخبية]1 بدايته
2 النت دلوقتى
3 استخداماته
4 تأثيره



بدايته

الانترنت ابتدا زى شبكة صغيرة أتعملت بين مجموعة من العلماء الأمريكان (فى 1959) علشان يقدروا يتبادلوا الملفات بينهم بسرعة فى أطار برنامج أمريكى اسمه (وكالة مشروعات الأبحاث المتقدمة أو advanced research projects agency) وبعد كده مر الأنترنت بمراحل تطور كتير لغاية أما وصل للنت بتاعنا دلوقتى.

النت دلوقتى

النت دلوقتى وصل لتطور كبير جدا, ممكن تدخل على النت من أى مكان لاسلكى سواء بالموبايل أو اللاب توب وعلى فكرة الانترنت لغته الاساسية هى الانجليزى و بس علشان أصول الانترنت الأمريكانية و علشان الامكانيات الضعيفة بتاعة كمبيوترات زمان.

استخداماته
الانترنت ليه استخدامات مالهاش عدد, بس أهمهاالايميل (e-mail) علشان يرسل و يستقبل الرسايل من الكمبيوترات والموبايلات
علشان الواحد يتفرج ع الفيديوهات و الكليبات
الدخول على اى كمبيوتر من اى كمبيوتر تانى بتاعك
سمع المزيكا وراديوهات اونلاين
تبادل الفايلات والمعلومات
الشات فى النت سواء صوت بس او صوت و صورة
الكلام مع شخص تانى من الكمبيوتر بس بالتليفون(يعنى من الكمبيوتر للتليفون)
عشان الواحد يبعت رسايل فاكس و SMS
اللعب مع ناس تانية ع النت
التعرف على ناس تانية و وشوش جديدة
التسويق
داونلود اغانى و فيديو


تأثيره

الانترنت أثر فى العالم جامد أوى, يعنى مثلا قدم نوع جديد من التعارف بين الناس عن طريق الفيس بوك أو ماى سبيس اللى بيمكنك من عمل صفحة خاصة بيك تحط فيها اللى انتا عايزه علشان تتعرف على أصحاب جداد. ده طبعا غير نشاطات الرفاهية من اللعب ع النت او القمار و الشات و الايميلات و سمع المزيكا وفرجة الفيديوهات والكليبات و متابعة البلوجات. ده غير حملات التسوبق الرهيبة اللى على النت و الاعلانات و البوب ابس(pop ups).