طلب تواصـــــــــــــــــــــــــــــــل

سلامات اهلي الجبلاب كيف احوالكم ان شاء الله تكونو كلكم بخير . زي ما عارفين انو المنتدي للتواصل وانا بدخل المنتدي وبكون بعض منكم متواجد لكن ما بقدر اتواصل معاهو فارجو منكم ان تدخلو الدردشه عشان نتواصل جميعآ

ولكم خالص شكري وتقديري

وتحياتي لكم جميعآ

بت اللبيب

سلامات . تسلم اخي عبد الرحمن علي اضافة منتدي الدردشة وزي ما قلته ان شاء الله اساعد في التواصل

ولك شكري

وتقبل تحياتي وتحيات ناس بيتنا

والله يا بت اللبيب زينتي منتداكم ...
وناس البلد كلهم طيبين وحلوين ..بس
عاوزين رجعة الطيور المهاجرة ما البلد بقت مدينة وكدة..
عموما ..
مليون مراحب بقدر المسافات الرابطة بينك والجبل....
تخريمة :
حاولي لو سمحت تنزلي لوحات الأستاذ في المنتدي....

مع خالص تحياتي....ابو نواصي

تسلم اخي نزار علي الترحيب . والبعيد عن العين ما بعيد من القلب

تخريمه

ياريت لو في لوحات لي ابوي ما كنته ح ابخل بيهم

لك التحايا

بت اللبيب

لون الكتابة الفوق دا اسمو شنو ..

انا غايتو بقول اخضر ولا كيف؟

دا بنفسجي

موضوع: صلة الرحم الأحد مارس 21, 2010 1:14 pm

السلام عليكم ورحمة الله تعالي وبركاته
الفاضلة بت اللبيب
عموما انا من ال اللبيب ( عمر عبدالله حامد اللبيب ) (خلف الله عبد الوهاب محمد )
اتمني التواصل ولو متوفر لديكم اي صور عن الجبل خاصة الاماكن الزراعية والسياحية والاثرية )
فيصل جعفر الهادي
المملكة العربية السعودية - الطائف
الشركة السعودية للكهرباء
التوقيع
faisal-gaafar@hotmail.com

مرحب بيك ومرحب بكل ال اللبيب واتمني ان تكون عضوء فعال معانا ومعرفة الرجال مكسب كبير حبابك الف

سلامات . اهلين ومرحبتين حباب الجانا ونور منتدانا .كيفك يافيصل وكيف هنادي والاولاد والله ليكم وحشه ومالكم قاطعين صوره وصوت ان شاء الله كلكم بخير عليك الله سلم عليها كتير

وتقبل سلام جميع ناس بيتنا

مع خالص تحياتي

بت اللبيب / امنة عبد القادر

اشكركم علي الترحاب واتمني ان اكون عضو فعال
بس اطلب منكم ان يكون الموقع متحرك لكل ما هو مفيد بالنسبة للجبل ومن يسكن فيه وليس كبقية المواقع
بالعربي الفصيح التطوير والنهوض بجميع الامور التي تجعل من الجبل قمة بين المدن وهذا ليس ببعيد اذا تكاتفت الجهود وخاصة بان الجبل لدية الكثير من الابناء والموارد اذا وظفت الي الافضل
وللدقة الاستفادة من المغتربين من ابناء الجبل وحتي المتواجدين داخل السودان المهم الهمه والتعاون.. وللحديث بقية وكل من لديه راي او رؤية او خطط للتطوير ان يدلو بها لاخراجها بمجهودات الجميع والعقبة عندكم في المسرات .. ودمتم ..
الدلو للجميع ..

سلامات اخي فيصل ومشكور علي تفاعلك معانا . وان شاء الله ساعين للتطوير والنهوض بي جبل مويا حتي تصبح اعلي القمم وما ح نقيف مهما كانت الظروف

وادينا ياشباب ادينا لي البلد

مرااااااااااااااااااااااااااحب اخونا فيصل

بين اهلك وناسك والله يا فيصل كلامك هو الفيصل

بينا لتطوير وتقدم حبيبتنا (جبل موية)

وإن شاء الله نحن لا نأل جهدا" ولن نرمي سلاح

التفاكر والتحاور والتشاور والدفع من عجلة التطوير

لهذه البقعة الروح .

تقبل تحياتي.

ابو نواصي

مرحبتين حبابك عشرة برا كشرة الأخ فيصل في خلوة البيت الكبير جبل مويا .

سلامات . عزرآ ياشباب نسيت اعرفكم فيصل دا امو بتبقي لي جدي ابراهيم بت عمو ومتزوج هنادي بت خلف الله عبدالوهاب وهو عاش في الخرطوم .

ولكم ودي

بت اللبيب

مرحب اخ فيصل بين اهلك وناسك