بنك الخدمة فرع جبل موية

الاخوة الاعزاء
ماهو مصرف الخدمة؟


تساءل قليلا ايها الجبل مويييى ... انت تعرفه والجميع يعرف... مصطلح مصرف الخدمة .. اول من استخدمه كاتب امريكى ....ما عارف اسمو منو والله ... لكن سامع بي الموضوع وعاجبنى جدا... الفهم كالاتى ....... فلنفترض انك كاتب مغمور زى (ود الشاهد دا)... وطلبت منى خدمة ... بامكانى ان ارفض تقديمها طبعا ..... ولكن لانى عارف انك طموح وحتواصل تكتب حتى لو اصحابك فى المنتدى ما قروا ليك حاجة ولا علقوا على كتاباتك البتة.... البتة دى شبه جملة اندنوسية .... فبالتالى حاقدم ليك الخدمة عشان لمن تبقى زول ما تنسى تذكرنى فى واحد من كتاباتك التى ستضرب سوق المكتبات ...... ولا شنو ؟ بالتالى انا فتحت حساب خدمة وكمان سلفتك ... فلمن اجى فى وقت متاخر واطلب منك خدمة ... ما حتقدر ترفض ... عارف ليه ... عشان انت مدين لى ... صاح ؟ حتتذكر ... وحاذكرك من غير ما اقول وبالتالى حاستمر فى تسليفك متى تطلب الامر وتذدهر العلاقة بيننا كمشتركين فى بنك الخدمة..... ولو رفضت تخدمنى البحصل شنو؟
ولا حاجة!! لكن الناس وبدون ما اقول حاجة حتعرف انو شيكاتك مرتدة....حتعرف انت منو ... وطبعك شنو وبالتالى انت الخسران .. و اى زول حيكون حذر الف مرة قبل ما يودع ...... ذرة خدماية صغيرة فى حساب بنك الخدمة تبعك .... فاهمنى ... يعنى حتفلس خدميا ....... اذن نحن جميعا وغصبا عن عين اى تخين فينا مشتركين فى بنك الخدمة وهو مجموع الصلات بين البشر وهو بنك عابر للقارات عبر وسائل الاتصال المتوفرة وابسطها عدم اغتياب الاخرين خلف ظهورهم.... وشعارنا ...... قدم السبت تلقى الاحد..زى ما قال محمد ابراهيم منجريتا عليه الرحمة
ارحموا من فى الارض يرحمكم من فى السماء......
بالفة:ايام الداخلية لمن نكون مفلسين ..... واحد صاحبنا فى الغرفة من اولاد القضارف .. زول موحد الله على الطريقة الright فكان بيعمل حاجة بشيل اى مبلغ معاهو ويطلع برا الداخلية يديهو لاى محتاج يقابلو ..... وقسما عظما ....... مرات بيجى راجع الغرفة وتكون رسالة الرصيد وصلت قبليهو..... طبعا ما دايما ..... لكن الحسنة بعشرة امثالها ان عاجلا او آجلا .. ودى حاجة مفروغ منها ....... وكمان الله يضاعف لمن يشاء ...... وهو بكل شيى عليم

وبدون تعليمات .. العجبو الموضوع يلمس كيبوردو لانو ما منقول.

سيظل بنك الخدمة فرع جبل مويه شامخا ومسلفا لكل المحتاجين ل أفكار وحديث وخبرات
وكمان قريبا مشاريع اعمار ودخل يومي لكل مساهم عبر كيبوت أ احمد الشاهد الكاتب المشهور
أخي لك مني كل الشكر والاحترام .