تأكلي نيم ماتشبعا

بنيتي حسابك..

نضمي أسمعا .. ونضم راجل اوعى تسمعا
وكان طلقك ما يطلقك هو اصلو ما بينفعا
بنيتي حسابك..
كان قال ولاعندو اوعى تصدقا .. غفليهو و بنطلونو فتشا .. رجال زمن دا جنو يغشغشا
بنيتي حسابك..
راجل كان جرا منك في ضنبو أمسكا.. واي نضم يقولو ليك حكحكا
بنيتي حسابك..
راجل كان نضم في موبايل إتلبدا .. ونضم كلو أسمعا باكر ما يقولو فوقك عرسا
بنيتي حسابك ..
راجل اوعى تدلعا .. وكان عاطت فوقك كورية أم قعار في نص راسو افلعا .. كان زعل واتنفخ اوعى تهببا .. بعد مرات يكون ولا زعلان لكن بيكضبا
بنيتي حسابك..
إنتي اصحي بدري وتوبك الفحا ..وبيوت حلة بيت بيت اتفسحا .. وكيس وسخ في خشم باب اطرحا.. بعد شهر تجي عربية نفايات تلفحا
بنيتي حسابك
راجل كان نزل انتخابات اوعى ترشحا .. وحات الله يفوز فوقك يعرسا وانتي تاكلي نيم ما تشبعاحسابك

نون النسون لا تصدقن هذاء وتعملن فينا العمله

وبعدين تقولي وصية من والدتي بمسك فيها

داء كلام شعر منقول عن واحدة خرفت بس

رايكم شنو يارجاله.

وتحياتي للجميع مع العلم لا يحق لي التعليق لاني

نزلته بس أخشى من أخواتنا التمسك والتعلق والتصديق .

انا برضو بقول كلام فى الصميم فى صف ادم طبعا

1- مشكرين كتير على المرور والتعليق اختي مهاوكيف عامل والدك

اللنقلتش كبير مشجعي المريخاب وربنا يوفقة.



2- وأيضا متشكرين ومقدرين على المرور والتعليق أخي علي النور

وسلام خاص لصديقي وزميلي أخيك أبوبكر الصديق النور (ح.ن).

تسلم يا ابو حميد يبلغ ان شاء الله .

دا كلام ليك يا محمد تنقلوا أنت بتحرش في الجماعة علينا ولا شنو
بكرة ببغى فيك وتقعت تقول .....
وبعدين ما الداير إعرس ما إعرس العرس حرام

مشكور أخي عبدالرحمن على المرور والتعليق بس أنا نقلته عشان

نطبق قاعدة الحيطه والحزر على مبداها الصحيح مع الانتباه.

صدق ياأخوي أنا خفت لما بنت عمنا اللنقلتش قالت هذه

نصائح في الصمييييييم .

لك التحية والإحترام على كل كلمة تكتبها في هذا المنتدى يا أخي محمد

يسعدني مرورك ياصديقي يا نائب المدير العام للمنتدى مع الشكر

بس أوعدكم المره دي الشعر الحلمنتيشي في بنات آدم لصالحكم

ولا تشيلوا هم - ومني وللجميع العفو والسلام