أخر خبر (شمارات)

خريفكم كيف ياحبايبنا؟
سعر العيش بكم جنية ؟
وكيف تقديراتكم للاسعار وزياداتها ونقصها (تزبزبها)؟
وهل الاستسثمار في شراء العيش مربح ؟
الويكه سارا طلعة كثيره ؟
وكيف أسعار الجمره الخبيثة(الكهرباء)؟
وكيف دورات الجبال الكروية(المنتخبات) ؟

يقولون جات مطره في يوم 9/10/2010م الساعة1.3 ظهرا السبت
تحت الميه ومرات زياده للشوال الواحد
السبب تزبزب الامطار اي مربوط بسعر العيش كلما زاد المطر قل سعر العيش والعكس صحيح
مربح بنسبة 80%لكن يبقى له صبر(عليكم بالتخزين)
طلعت مو كتيره
غالية شديد ولا الناس جديده عليهم ماعارف
الكوره مستديره ولا توجد تسجيلات في جبال موية وخاصة مركز الشباب الذي تصدره المجموعة وهو كالعاده

أرجو إرسال اي معلومه جديده او اي راي على هذاء الموضوع والردودات لازم مع فائق شكري وتقديري لتعليقاتكم

الساده/ الاعضاء المحترمين والزوار المطلعين
السلام عليكم ورحمة الله وبركاته

الظاهر كلكم في الخرطوم

الرائع ودشوين البلد تمام والناس مبسوطه والحمد لله والخريف مبشر وداخلين علي الحصاد (الدرت)
والعيش اسعارو نازله يا اخوي والاستثمار المربح في الويكه سعر الشوال 91 جنيه الان السنه الفاتت الكيله بس وصلت 120 جنيه عليك الله ما فايده ودي دعوه للاشقاء الصينين للاستثمار في جبل مويه وفي مشاريع كتيره بس هم خليهم يجونا ولو قدر الله حصل انفصال نحن بقينا مناطق تماس والله يستر.

أسعدني مروركما سعادة المدير : حمزه مهدي معلوماتك طازه والديل مقانتها بالعام الماضي


المشرف العام : مها اللنقلتش وكان قطعتوا مشيكم الموبايلات بتجيب ليكم

آخر شمار المسور طلع فالصو والحمد لله.علي قدر الفي دا القوالات مشكله(من مقاوله طبعا) المصيبه الكبيره أسعار العيش في الواطا وربك يعين بس

هكذا حال الزراعة المطرية 5 سنوات فالصو (بدون) وسنه 50% من الانتاج (المسور) عموما ربنا يعينكم يا المزارعين بس لازم نتحول الى الزراعة المطرية الحديثة أما الاسعار فحظ المستهلك والذي معه سيولة للتخزين ، أما الحصاد عليكم بالعمالة الحبشية بدلا من أخواننا الجنوبيين .
ولك التحية وشكرا على المرور والتعليق المواكب

انا مقاطع الزراعه ياناس عشان كده ماعندى اى فكره عنها ممكن اشمر ليكم فى حاجات تانيه وكده ودلك يكون عند اللزوم