شاكوووووووش

في الليلة ديك

في الليلة ديك القصة ذاتها بقت عليك
يا عبدو وأدوك الشريط
يوم قولنا ليك أنضم معاها وكلّمها
لكن أبيت تسمع كلامنا
بقيت لميض وقلتَ.. أحسن أكون تقيل
انا يا جميل باكر بعد باكر
بكهربها ليك بي نظر كتيل
وبقيت تقيل لمن سقوك موية الغسيل
يوم جيت تنطط زي زمان
وتباري بقعور الشجر
كايس كراسي الخيزران ..
وقعدتَ يا زينة الرجال
كهربجي قال رفعوا الستار
والبت تجي وتمشي و تلف
ومرات تقيف ومعاها كان زولاً حريف
والوقفة كان وقفة ولف
وصاحبنا بالاحساس عرف
وسألتَ والناس كلّموك
ملعون أبوك دنيا أم قدد
بقت البقت ووقعتَ في شارع الزلط
تبكي وتجعّر والعيون اتورّمت
يد القميص.. ضهر القميص.. كم القميص
حتى الفنيلة اتشرّطت
يا عبدو عيب قوم يلا صلي على الحبيب
الواطه صبحت داير ننوم
يا أخوانّا لأ أنا عايز أموت
أقع البحر يا عبدو عيبا لدنيا حر ..
والموية بتسخّن عليك
ثلاثة ساعات في الطريق
وزولنا قاعد يسب ويكيل
ودموعو سايلات بالكفوف
وشرايطو تلمع في الكتوف
بقى فيلسوف
شي كلام عن الدنيا أم قدود
وعلاقة بين يوما لسبت وعين الحسود
ومقارنات بين الجمال والجهل وسوء الإختيار
شينة قال ...!
قلنا كلام صحيح
وخطيبها زاتو ولد قبيح
بس ياخي قوم الواطة ليل..
دايرين ننوم
قام تاني جاب سيرة البحر
وقام تااااااااااااااااااني جاب سيرة البحر

لا تحزن من اي شاكوش يا---- وإذا فاتتك الاولى سوف تلحق الثانية وتصبح أنت مدرب اي صاحب تجارب والمثل بقول العتره بتصلح المشي

وتحياتي لك يا يوسف

الحمد لله انا ماحقل تجارب فى المجال دالكن سمعت وشفت يا.........ولك تقديرى وودى يا ابو ساره

ماتستاهل ي ود شوين لكن حال الدنيا كده..................الله بعوضك

والله ياناس المنتدى صعبتوها نرسل الشعر تفهمونا غلط مانرسل تقولو لينا كسلانين الله استر ساى وتخاتى لكم جميعا

ما تستاهل يا يوسف لكن قصة عبدو عبدو دي ما فهمناها ما تقول يوسو (على وزن يوسف)

عيدو عبدو دى قاصدنك بيها انت يا عبد الرحمن الفضل وعشان افتك صاح اقرا الرد فى يريدك الخاص عشان كدا ماداير اقول ليك البركه فى ناس فلان ساى الا.......................