عواسة الكسرة

موضوع: عواسة الكسرة الجمعة يناير 21, 2011 5:03 am

انني اتذكر تماما الوالدة وهي تحضر في حالها من الصباح بعد لمة الشاي الاسرية وطغوسها وهي تتكلم عن هم العواسة وتحضير الكسرة والصعوبات التي تلاحق العواسة وهي الحطب او القصب وسخانة الجؤ والصاج والطايوق وكل هذه الاشياء يجب تحضيرها لكي ناكل وجبة غداء كما لاننسي المرحاكة وتحضير العجين واين نحن من هذا الماضي والله يا اخوة لما ارجع السودان همي كله ان اكل كسرة ببامية مفروكة او ملوخية مفروكة او ملاح ورق ولكن المفاجئة المؤلمة هي لاتجد كسرة في الصينية السودانية ولما تتكلم يقول ليك يا حليلك وحليل الكسرة

الماضي ولى خلاص- أقول يا أخي بخيت تاني أغنيت الماضي ولى خلاص

انني اعلم ان الماضي ولي ولكن بسرعة شديدة وهذه الاكلات هي تراث هي ارث يجب ان نحافظ عليه كميات الذرة هي نفسها والزراعة هي نقس الزراعة ما هي العوامل التي ادت الي هذه التغيرات انا اعتبر عوامل الهجرة والتهجير هي العامل الاساسي في ذلك وكذلك توريث المهنة اي العواسة من الام الي البنت

سلامات ليه الماضي ولي خلاص ؟ ما عندك اي مشكله يابخيت لما تجي انا عازماك كسره بي باميه مفروكه وخضره مفروكه و ورق طبعآ العزومه ح تكون علي ثلاثه ايام عشان كل كره ملاح واحد بس متين تجي السودان .

اولا سلامي واشواقي لكم جميعا ال اللبيب وعلي قائد اسطولكم استازي عبدالقادر متعه الله بالصحة والعافية واشكرك اختي بت اللبيب علي المرور والعزومة وهذه العزومة قد تدفعني الي السفر للسودان

ياحليل لمن كان العرس كلو كسره(الليله ي بخيت مافي بت يتعوس ليك لانو .............)

موضوع: رد الأربعاء فبراير 23, 2011 3:30 am

يا جماعة زكرتونا الكسرة عاوزين زول يمشي الجبل
ويجيب لينا عصيدة كاربة بملاح روب من بقر الحلة
لمن يكون خمير جدا

سلامات . لك التحيه اخي بخيت جايي السودان متين ؟ان شاء الله الاقيك قبل اسافر لاني ماشه السعوديه .
وما عندك مشكله لو سافرته برضو عزومتك قايمه في البيت

يا جماعة انا عازمكم كسرة بي (كول)
كلكم ناس المنتدي ..اي زول يجي جبل موية
وما يجي ياكل معاي الوجبة دي .شكيتو لي
ست الكسرة الفي الصحافة شرق ديك .تديها ليهو
حارة وشطة كتيرة وما تديهو معاها موية..
الكلام دا ليكم كلكم,خلي واحد بس يجي الجبل وما
يجي العزومة دى عشان ادفعو حق التلاتة وجبات..
اها ودعناكم الله ونتلاقة في صحن كسرة,,اقصد ساعة
خير...

موضوع: رد الأربعاء فبراير 23, 2011 8:50 am

يعطيك العافية يا ابو المنتدي يا مجنوني
علي العزيمة الكاربة دي