الفاقد التربوى

فى الحقيقة المسألة دى اخطر من اى حاجة .. تانية اخطر من الموية والكهرباء ,, والاسترزاق باسم البلد .. ليه؟ لانو هى السبب المباشر فى غياب الانسان الواعى بالقضية واحباط المتعلم عن النهوض بدورو .. ما اليد الواحدة ما بتصفق .. ولا شنو؟
طيب بدون ثرثرة كتيرة عن الاثار السالبة نحن محتاجين نواجه المشكلة دى بحزم ومسئولية .. لانو ما ممكن الزول يلقى نفسو بتلفت براهو ى اى جامعة او مؤسسة وما يعرف اسم واحد من ضمن الطلاب هو من اولاد بلدو ..
التعليم انهار فى البد ونحن دايرين نحصد كهرباء وموية بشكل سليم .. ما بيحصل..
قدامنا فترة عيد الاضحى .. بقترح تكوين لجان لحصر الفاقد التربوى وتوجيه رسالة بذلك لكل الجهات المهتمة من اجل وضع خطة اسعافية للكبار و توفير وسائل دعم للمدارس لتمكينها من استيعاب الطلاب فى جو دراسى صالح .. ياخى بلد ما فيها زول جاب تسعين فى امية فى زمن الامتحانات الموية دى معناها الخلل ما فى الطالب ..
دا راس الخيط و حتة منى وحتة منك بنقدر نصل لحل
مع حبى للبلد الجاهل اهلها

انا اتفق معاك في بعض النقاط يا ابو حميد ولكن............
كيف يمكن ان نرد الماء ويحرسها كلب سعران؟
وكيف يمكن ان ندخل الكوخ المظلم لننيره من العتمة وفي مدخله ظلمة شداد يبطشون بكل من يقرب ناحيته؟
تتحدث عن التعليم......ومن هم الذين علي رأس التعليم في جبل موية؟
احسب معاي..
الفاضلان......والغير ذلك.......وجابي الذكاة ......كثيرون ....كثيرون
كيف يمكن ان تمسك العصاة من الوسط؟ ستكون في موقع المدافع ليس الا...
لا يمكن وهذا من وجهة نظري لا يمكن ان ترمم عملية التعليم في البلد الا اذا قطعت تلك الرؤوس التي ليس لها اي علاقة بالتعليم والتعلم.....
فيا اخي الناس تضرب في كل الجبهات عساها ان تعمل حاجة للبلد الظالم قيادته..ولا تغني علي ليلاها في ظل هذا التسارع والتشاقق من اجل المصالح
الذاتية.....

فيا اخي اذا انت بتقول علي البلد جاهل, فيا بلـــــــــــــــــــــــــــــــــــــــــــــــــــــــــــــــــــــــــــد عليك السلام
لنا عودة.....ابو نواصي.

احبائى كونك تطرق قضية دا شىء ايجابى بغض النظر عن الحلول فلنطرق مرارا وتكرارا حتى يستجيب القدر ولكن بايدينا لكما التحية ود الشاهد وابو نواصى
كسرة خارج النص : نواصى دى جمع ناصية وياربى دى دكاكبن ولا قطع سكنية عزيزى نزار تربى نواصى فى عزكم وربنا يحفظها ويخليها ليكم شعلة متقدة يارب . ولكم هذا النص الشعرى لفاروق جويدة :

في هذا الزمن المجنون




لا أفتح بابي للغرباء

لا أعرف أحدا

فالباب الصامت نقطة ضوء في عيني

أو ظلمة ليل أو سجان

فالدنيا حولي أبواب

لكن السجن بلا قضبان

والخوف الحائر في العينين

يثور ويقتحم الجدران

والحلم مليك مطرود

لا جاه لديه ولا سلطان

سجنوه زماناً في قفص

سرقوا الأوسمة مع التيجان

وانتشروا مثل الفئران

أكلوا شطآن النهر

وغاصوا في دم الأغصان

صلبوا أجنحة الطير

وباعوا الموتى والأكفان

قطعوا أوردة العدل

ونصبوا ( سيركاً ) للطغيان

في هذا الزمن المجنون

إما أن تغدوا دجالاً

أوتصبح بئراً من أحزان

لا تفتح بابك للفئران

كي يبقى فيك الإنسان !

التحيه اليكم اعزائ و دمته رايعا اخي ابوحميد والي الامام وماتسمع كلام ابونواصئ , نحن نمسك العصاء من اي حته بس نمسك صاح وبخته ثابته وفهم وزي ما هم فرضو نفسم . نحن كلنا فهم مادام انته معانا ياابو نواصي واختلف معكم تماما ازا و صفتم جبل مويه بالجهل وبرغم الاشياء الموجوده يكفي انو خرجتكم انتم وامثالكم ,
اخي العزيز ابو حميد موضوعك رايع جدا (لمن بغادي ) ولو كنتم موجودين باستمرار كان حتقولو شنو بس الله المستعان والله يستر من جيل الافلام زي مابقول اخي الرايع جدا عبد الباقي حسن الامين الله يمتعو ا بالصحه والعافيه ولكن الفرصه مازالت امامنا وبامكاننا ان نفعل الكثير والامل فيكم لانو انتم الصفوه ماقصدي المريخ
بصراحه نحن علي شفا حفره والتعليم عندنا خلاص والفاظ في الشوارع استحلفكمممممممممممممممممممممممممممممممممممم بالله ان تجتهدو في هزا الموضوع بس ياريت في اقرب فرصه ممكنه وابشركم بانو في الاففففففففففف الشباب خريجين الجامعات والمجتمع وهم علي استعداد بس دايرين الدليل وانتم اعزيئ مكان ثقه وفخر وكيف يكون الحال لو ما كنته جبل موييييييييي .


اخوكم حمزه مهدي العريس

أخي حمزة .
انا لست من المخزلين ولكن تعلم تماما اني أقرب ما يكون لهؤلاء.
وما في مشكلة الناس تحاول. لكن كلامي وكلامو وكلامك وكلام اخواني يمكن يطلع كلام كويس
والحمد لله ربنا عمل كلامو براهو وشال كبيرهم ووداهو الرف وعقبال للباقيين.
قف:
شكرا أخي سليمان فقيدة والعقبال عندك بالولد.
(الخيل معقود بنواصيها الخير إلي يوم القيامة).
ومعناها الجباه او الأنفس ياسلمن
وبرضو ابو نواصي

أخي ود الشاهد
السلام عليكم ورحمة الله تعالى
هو دا بيت القصيد ( العلم ثم العلم ثم العلم والتعلم ) ، قال رسولنا الحبيب (ص): ( أطلبوا العلم من المهد إلى اللحد ) ، وبإمكان كل منا أن يساهم في دفع عجلة التعليم في قريتنا الحبيبة كما يود ، وبطريقته التي يعرفها ، ومن المعلوم أن كل شئ أذا أنفقت منه ينقص إلا العلم كلما أنفقت منه يزيد ، ولكن أحبذ العمل الجماعي ففي الإتحاد قوة ، ومن الوسائل المتاحة لكل فرد منا لمساعدة الطلاب هو برنامج المراجعات ، وأود لو كان هنالك صندوق خيري لمساعدة ذو الحوجة من الطلاب ،
ولك الشكر .

عبدالرحمن الفضل كتب:

أخي ود الشاهد
السلام عليكم ورحمة الله تعالى
هو دا بيت القصيد ( العلم ثم العلم ثم العلم والتعلم ) ، قال رسولنا الحبيب (ص): ( أطلبوا العلم من المهد إلى الحد ) ، وبإمكان كل منا أن يساهم في دفع عجلة التعليم في قريتنا الحبيبة كما يود ، وبطريقته التي يعرفها ، ومن المعلوم أن كل شئ أذا أنفقت منه ينقص إلا العلم كلما أنفقت منه يزيد ، ولكن أحبذ العمل الجماعي ففي الإتحاد قوة ، ومن الوسائل المتاحة لكل فرد منا لمساعدة الطلاب هو برنامج المراجعات ، وأود لو كان هنالك صندوق خيري لمساعدة ذو الحوجة من الطلاب ،
ولك الشكر .

دا الكلام...............
يا باشمهندس وين انت. ورينا اخبارك يا مان.

[b]الاخوة الاعزاء .. الاصدقاء ..
تحياتى وتقديرى واحترامى البالغ لبلدنا ولكم .. وبعد .. بدءا اشكر كل الاخوة الذين تداخلوا مع الموضوع .. والذى لا ازال مصرا على انه مفتاح الترقى لنا ولكم ؟ بقليل من التعقيب على مداخلات الاخوة .. نزار ابو نواصى كلامك .. صاح لكن الاحباط ما صاح..المفرزض نحن نكافح الازمة .. وبالادب والاحترام اللازم .. ما هم ديل ناسنا .. وانا لمن بقول البلد الجاهل اهلها .. دا فى مجال الاعتراف بالمشكلة والعمل على حلها وما اكتر..عموما ما موضوع خلاف .. حمزة وعبد الرحمن وسليمان .. المهم نعمل حاجة ... المهم نعمل حاجة وانا زى ما قلت اول جبت راس الخيط وقلت دى مشكلة .. اولوية .. المفروض الناس تتناقش فى الحل.. اقتراحى البسيط بتكوين لجنة للموضوع .. تنحصر مهمتها فى عقد جلسات استماع مع ادارات المدارس وتحديد الاحتياجات وتلقى اقتراحات بالخصوص..
حاجة اخيرة .. كونو البلد خرجتنى انا الرمدان دا ولا خرجت زيى كذا نفر ما معناها انو نحن متعلمين .. الازمة اكبر من مستوى الافراد ..الزول بدون اهلو شن قيمتو .. عليك الله ما عيب انو تلقى فى بيت فيهو ستة افراد وسبعة .. وما عندهم غير شهادة لا اله الا الله وكمان ما فاهمنها بشروطا وواجباتها |.. الضياع والخراب الحاصل كلو اسباب اللا تعليم.. لا تعليم الوضع اليم

السلام عليكم ورحمة الله تعالى وبركاته
كل التحايا العطرات لكم ابناء بلادى وانتم تطرقون على بيت القصيد وحقيقة لولا التحاور والنقاش لايمكن ان تصاب كبد الحقيقة فالتعليم اساس تطور الامم والتدهور المريع الذى تشهده البلاد ككل فى كل جوانب الحياة كان تاثيره واضح على جبل مويه خاصة فى مرفق التعليم و ان المعلميين ليست كلهم طبعا اعضاء فى اللجان الشعبية بعبارة تانية انسحب العمل فى اللجان على واجبهم العملى تجاه المدارس كوظيفة وهذا هو الخلل الاول ثم تدرجوا بذات النهج مدراء ادارات وطبعا دى رصاصة الرحمة الحاجة التانية الدولة تخلت عن مسؤولياتها تجاه التعليم تماما علمت من مصدر اثق به ان المعلمين يدفعون من جيوبهم لشراء ابواب للفصول لاحظوا اخوتى ابواب ناهيك عن طباشير وكتب وكراسات والمعلم معروف راتيه كم وبيستلموا متين ؟؟؟؟؟؟؟؟و اخيرا تفاعل المجتمع مع التعليم ليست بالصورة المطلوبة فاولياء الامور لهم دور ايضا ونحن كذلك وكل افراد المجتمع فواجبنا جميعا البحث عن طريقة لانقاذ ما يمكن انقاذه فا المساهمة والتشجيع لاستمرار العملية التعليمية اولى الخطوات والى الامام اخوتى حمزة وود الشاهد وبقية العقد النضديد.
يا ابو نواصى لك العتبى حتى ترضى الاستفسار كان للمزحة والطرفة وليست استنكار وربنا يسكنك الصافية ويديك بيت ناصية (آآآآآآآآآآآآآآآآآآآمييييييييييين)