الاهمال ضيع المساهمات

ياناس المنتدى انا عندى مساهمتين ضايعات واحده فى الصحى والتانيه ماعارفها فى شنو المهم حمذه والمجنونى يطلعو لى مساهماتى ديل قبلى ما اعمل حملة التفتيش ولو ما لقيتوهن فتشوهن فى علكه او ام جاويق امكن خمذه اتفق مع ابو نواصى وكمنن(طبعا كمنن دى ناس كتاااار مابعرفوها) اسالو الحراميه منها

هههههههها والله بالغت لكن حلوة منك امكن مساهماتك ديل لاقتم غزيفة طاشة من القزافي قبال مايصلو المنتدي قامو اتقزفوا واعتصموا بعيد في ميدان التحرير حق مصر...ماتخاف حنعمل ليهم اعلان ولك التحية اخي يوسف

تسلمى اختى اسماء واخى ابو بدر على المرو والتعليق الرائع ولكم دوما منى التحيه والتجله وعشان خاطىركم انا بعفى عن الذين ضيعو مساهماتى ومن عفى واصفح فاجره على الله انت يالبو بدر طبعا شرحت كمنن شرح دقيق امكن ودالفحل ما اشرحهن كده شكلك كنت ................... والباقى تمو خيااااااال وانت طولت من البلد الناس اترقت زمااااان ونسو حاجه اسمها زرايب بقو ناس ريموتى وريموتك لابتوبى ولابتوبك نسو ناس غبيش وجاموسيه

هههههههههههههههه الفي الصحي دي لو تدفع لي بوصفها ليك

يا اخي انا عارف مين الضيع مساهماتك
تدفع كم عشان نوريك
ولك تحياتي

ياجماعه الشغلانه جابت ليها سالف عديييييل كده انا منالاول ما قلت فى نا كمنوهن وماتقولو كمنوهن دى جايه من الكمون وكده لانو فى حناكيش فى الجبل والسالف يا باشمهندس محمد وبله مابختلف برسلو ليكم فى البريد الخاص بشرط اول تعرضو لى المساهمات الضايعات واقول ليكم والله لايضيع اجر من احسن عملا

أخي يوسف السلام عليكم ورحمة الله تعالى وبركاته
وبعد:
أود أن أحيطك علماً بأن عدد المساهمات في أي منتدى عندما تتجاوز الخمسين مساهمة فإن المساهمات القديمة تتحول لصفحة أخرى ، لذلك قد تكون مساهمتك في الصفحة الثانية أو الثالثة أو .... ، أنظر أسفل المنتديات قد تجد عبارة ( أنتقل إلى الصفحة 1 ، 2 ، 3 ، ... ) أضغط على رقم الصفحة التي تريد ، بإذن الله سوف تجد مساهماتك التي تبحث عنها إن كنت تعلم في أي منتدى كانت .
أخي ليست من مصلحة أحد بأن يحزف مشاركة ما إلا إذا أخلت بشروط المنتدى.
تقبل تحياتي

عن الإدارة

تسلم ياباش ود الفضل وباش نزلر على الخدمه المجانيه ولا شكر لى بله ومحمد زيت لانهم قالو دايرين سالف (قروووووش) وبالنسبه يا نزار كمنن دى جايه من التكمين اى التخبئ او(الدسان) او(اللمان) اما بالنسبه لى كمنن جايه من الكمونيه قد يكون وارد لان التكمين غالبا مايكون للبهائم وطالما اتكمنن يحتمل يضبحوهن وطالما ضبحوهن ح يمرقو كمونيتهن وكذلك قديكون وارد اى جايه من الكمينه لان البهيمه لامن يضبحوها بنجضوها باحطب والحطب بعملو بيهو الكمينه وكذالك فد تكون جايه من الكمنجه ودى تموها انتو ولكم تحياتى

الاخ يوسف زول بقول ليك عاوز سالف اذا هو الحرامي
بمعني انا والاخ محمد عيسي متفقين وعارفين ( همباته )