اتخيلتك كلمة حلو طالعة مني

كلمات مبعثرة

أشتقت ليك
نفس طالع منى زفير
مليان ريدة و حنان
و أشتهيتك نفس داخل
ليك شهيق مليان
محنة و أمان
و اتخيلتك كلمة
حلوة طالعة منى
تشغل ليلك الطويل
بالذكريات
و أتخيلتك كلمة طالعة
منك فرح تملى ايامى
أغنيات
أشتهيتك وعد
يكسر
كل الحواجز
و الجسور
و أتمنيتك غيمة
ترتاح فى مدارى
هاطلة فى كل
الفصول
و أتخيلتك انت
معاى
مدسوسة جواى
وشايف روحك
سريانة فى دمى
وشايل همى
وطالع منك
نفس الريدة طوييييل
بعاند حبل الصبر
المدود و فى
أخرو حلمنا
ببكرة
و افتكرتك
مجرد فكرة
لقيتك فينى
دايما" ماليانى
وشايلانى معاك
(سفرهد) فن
ومالية الدن
ريدة وعشره
و اشتيهتك
حلم الليلة
قبال يوم
بكرة
و اشتهيتك ...
................................
..................................

موضوع: رد الثلاثاء مارس 01, 2011 3:59 am

يا حليل ايام زمان ايام الشباب
ذكرتنا يا ابو ( المنتدي )
يعطيك العافية ( الصحة ما العافية البنت )

رائع بمعنى الكلمة ونظم الشعر
وشوقك ليها أعمق من البئر
وكلماتك مبعثرة في شكل جوهرة

وتقبل مروري يا ود إبراهيم

الحمد لله منتدانا دا فيهو الشعرا امثال المجنونى وفبهو الفلاسفه وفيهو الادباء ما شا الله ياجباله عينى بارده

» كلمة شكر