مشـكـلـة بـلـه

( يحلنا الحله بله من الحله وست الحله )
( بله يا بله دق الرقم جلأ )
يا شبا ب بله مشكلة شنو مع الكلام دا

]والله دا كلام فى الصميم مشكلة بله الخصها ليكم فى سطور بسيطه (فى واحد من المثقفاتيه بتاعين الحله حلم ان و الحله دى خ تغنى غنى شديد لكن دا بحصل الا بعدما الفقر يموت وادعى فى حلمه انو الفقر دا بتغمس شخصية واحد من الحله ويطلع بالجه الفلانيه وبكون لابس جلابيه سوداء ومن مواصفاته ايضا لا يماك فى جيبه ولا مليما واذا تحققت الشروط طوااالى ماعليكم الا ان تقضو على على هذا الرجل وانت يابله كنت فى سفر وما جايب خبر وولامن مشيت الحله كنت لابس جلابيه سوداء واتيت من الجهه الفلانيه حسب كلام المثقفاتى انو انت انطبقت عليك مواصفات الفقر ذاتو وانتو ياناس الحله اللعمى شايل المكسر سوطى وسوطك وقنايتى وقنايتك وجرى لغاية بله وبله ظن انو الناس ديل فرحانين بجيتو وكده لكن خاب ظنه واول زول جا خبطو ليك بى سوط لامن امن وباقى الجماعه البعك البعك وبله مندهش ياناس فى شنو؟رد عليهو واحد شليق انت ماعارف ؟عارف شنو ياناس (بله) قامو قالو ليهو انت الفقر ذاتو فقر شنو ياناس (بله) انا بله ود جاد الله بله يتكلم والضرب كتر عليهو لامن غمر فتدخل واحد من ناس الحله قال ليهم دقيقه انتو المواصفات شنو فرد المثقفاتى الفقر بتغمس شخصية واحد من ناس الحله اها آزول تانى شنو؟ وتانى بكون لابس جلابيه سوداء بلحيل وتانى شنو فتزكر المثقفاتى من خلمه انو الفقر جيبو بكون فاااضى عادم( الكتحه ) فقامو فتشو بله ولقو فى جيبو قرش صغيييير يعنى بى حساباتنا كده بساوى50 قرش قام المتقفاتى قال ليهم وقفو الضرب الزول دا ما تامى المواصفات وبله انحل بالقرش البسيط دا فصارت مثل ويقولو ليك احلك الحل بله يا بله (ونعتزر ليكم عن العاميه والدارجى والدراب دا)

الحله دايرة لحمة وخضار وزيت أما الحلة بكسر الحاء هي دايرة مصاريف للعمات والخالات والاخوان و--- الخ
ورقم بله الثابت مافيه صفر عشان يضرب خارج المدينة وموبايله مافيه إسكراتش

ياحلال الشبك تحلنا ذي ما حليت بله