أنا شفت الملاك وبايدي سالمتوووووو

أنا شفته الملاك بإيدي سالمتو بهرني بنورو..
خلاني مأسورو.. ان ضعته في بحورو.. انا عقلي فارقتو انا شفته الملاك...

لو طلاك صباحو.. أو ضماك جناحو.. اكيد القلب بيشفى وتاني تطيب جراحو .. كمان لو شفته
لونو.. سحرو الفي عيونو تدور ترحل في كونو من حسنو ولطافتو انا شفته الملاك...

الراقي في وسامتو.. مرسومه ابتسامتو.. تفوق البدر صورتو وآيه الحسن هامتو..

دلال من غير تعالي.. رقه وذوق مثالي زي الدر بيلالي في اصلو وداعتو انا شفته الملاك....

من يوم ما لقيتو.. كل الفات نسيتو .. وفي قلبي اصطفيتو.. ودون الناس هويتو..

وصار لحياتي معني وفي احلامي جنه بس الحظ تجنى وشال قلبي وسعادتو انا شفته الملاك...

السلام عليكم ورحمة الله
فنجعلها صفحة للنقاش في اي اغنية والكل يدلو بدلوة في هذا البوست
وللجميع المشاركة ، والاغنيات الجميلة ونحن بنحب الجمال ههههههههههههههه
والشواكيش في اشعارنا واغنياتنا السودانية غنية بالمعاني الجميلة والبسيطة
وشعراؤنا موهوبون باختيار الكلمات البسيطة الجميلة والمعبرة ذات الاثر الطيب في نفوسنا
وكلنا عشاق للجمال. والذي نفسة بغير جمال لايري في الوجود شي جميل

سيد عبد العزيز ..

أعجب سيد عبد العزيز بإحدى بنات المهدي في حي الأمراء وتقدم لي خطبتها ولكن طلبه رُفض وكان سبب الرفض انه مغنى وشاعر..
وكانت البنت طالبه في كلية المعلمات في أمدرمان وكان يذهب الى هناك كل يوم ينتظرها ليراها وهى خارجه من الكلية ثم يعود. وكعادت الطلاب يخرجون من المدارس فى شكل مجموعات كل مجموعة تذهب من ناحية. وفى يوم من الايام خرجت هى بمفردها من غير المجموعة التى تعود ان يراها معهم ، ولكن بعد لحظات خرج خلفها البقية ، واصبحت هى فى المقدمة والجميع من خلفها .. وشاعرنا سيد عبد العزيز لاحظ المشهد وشبه البنت المعجب بها بقائد الاسطول لانها كانت تسير فى مقدمة البنات وباقي الطالبات من خلفها بالجنود ..وصوره في أجمل لوحة وقال :

يا قائد الأسطول تخضع لك الفرسان
ياذو الفخار والطول أرحم بنى الإنسان

واصل فى القصيدة وقال:

مين لسماك يطول ما يطولك اللمسان
معناك شرحه يطول والله يا إنسان
أصدق كفانا مطول ياذو الحسن إحسان
أنا عقلى بيك مختول والناس عقول ولسان
ما بنكر المعقول آمنت بالأيمان
بالطلسم المصقول بدل لخوفى أمان
بالنور سحرت عقول كانت صميمة زمان

وتابع قائلا :

يا من تحق القول قتل النفوس حرمان
وما الجندى والمكتول و طالب الغفران
من أيده راح منتول واتوهد النيران
فاقد الصواب مبتول مما رأى حيران
أصبح زهر مشتول وفاح ملا الجيران
يا علة المعلول كم أومى ليك بنان
كم من أٍسير مغلول مالاقى فى لحظة حنان
يرى وعدك المحلول زى حجة الوسنان
والكان سكونه تلول ما ببدلهم بجنان
يا حبيبي كون ممهول وليكون ماكان ..

الى نهاية القصيدة وختمها بقوله:

الفى غد مجهول والماضى أسمه الكان
نفديك شباب وكهول ونبقى ليك أركان
فى حبك المأهول ونخدم السكان
يالفى سماك مفصول تنشاف عيان وبيان
ما عرفنا ليك وصول وما دنيت أحيان
إنت الخطاك أصول يعلم الديان
مثلت فينا فصول ما بدرسها النسيان

اولا بقولك يامعتصم السلام عليكم وكيف حالك وحياك الله وحمد لله للعوده للكتابات والمساهمات
وثانيا إختياراتك كانت موفقة بالشعر المرهف ذوي المعاني البراقة

محمد عيسى شوين كتب:: اولا بقولك يامعتصم السلام عليكم وكيف حالك وحياك الله وحمد لله للعوده للكتابات والمساهمات
وثانيا إختياراتك كانت موفقة بالشعر المرهف ذوي المعاني البراقة

الاخ العزيز محمد عيسي شوين

يذداد البوست تألقا عند مرورك به ويتعطر بطيب الكلمات التي تنزل علينا بردا وسلاما، اخي العزيز متعك الله بالصحة والعافية
وانت دوما سباقا لك الشكر والتقدير

أو عادل

» ولاتحقرن من المعروف شيئا (قصة ولا أروع )....الملاك الصغير