طرايف سودانية

.
المطرة أنقطعت من شرق السودان سنتين ما صبت .. زرع ما فى .. قش مافى .. والبهائم بدت تنقرض , أهلنا فى درديب قالوا مافى طريقة إلا يصلوا للمطرة دى صلاة الإستسقاء عشان تجى.
أها يا جماعة .. صلاة الإستسقاء العارفه منو ؟؟. زول فيهم قال بقم مافى . بعد شوية واحد قال ليهم : خلاص يا جماعة .. أرحكم المدرسة يمكن حضرة الناظر يساعدنا !.
الجماعة مشوا المدرسة وكلموا الناظر . الناظر قال ليهم : خلاص .. نديكم أولاد سادسة يصلوا ليكم الإستسقاء .
الجماعة وقفوا فى حوش المدرسة يصلوا صلاة الإستسقاء مع أولاد سادسة , قبل ما ينتهوا من الصلاة دقتكم مطرة عملت سيل . الجماعة فرحوا فرح شديد , وجو للناظر: يا سلام .. يا أخى , شكرا يا حضرة الناظر .

الناظر أتكيف من الموضوع دا كيف شديد , وهو طالع مقدمن فى الباب قال ليهم : أها يا جماعة .. كمان يوم كان دايرين شكشاكة .. تعالوا نديكم أولاد سنة أولى !.

رباطابى فكر يخلى شقاوة الزراعة ويعمل مزرعة دواجن , بى راس المال العندو زرب حوشو بشبك سلك وأشترى ديك وخمس دجاجات وشوال عيش . الدجاج بيًض والبيض فقس والرباطابى يرش للدجاج والسواسيو فى العيش صباح ومساء وهو يدوبى فرحان ببشاير المشروع .
صقر أبن كلب لما ليك فى السواسيو كف .. كف خطف شديد , والرباطابى مرة يجدع فى بي الحجار ومرة يسكو بالعكاز وهو يسب وبسخط .. والصقر قاعد فى راس البيت حالف ما يفوت حوش الرباطابى إلا يكمل السواسيو ديل .
أسبوع كامل , والصقر ما عندو شقلة غير سواسيو الرباطابى لامن كملن .. إلا من فرد ويحيدة .

الرباطابى مسك آخر سوسيوة فى أيدو , والمغصة دايرة تكتلو , مشى جاب شوال فاضى ونفش خيوطة فى النص ودقاهو بأوتاد من أطرافو فى نص الحوش وخت السوسيوةفى نص الشوال .. وقعد بعيييد .

الصقر جا يختف آخر سوسيوا وشبك فى الشوال , الرباطابى مسك الصقر وجاب مقص . قطع للصقر مخالب قدمو اليمين وقدمو الشمال من قعرن , ومسك منقار الصقر قصاهو ليهو من آخرو .. وفكا وقالو ( أها ... دحين شوفلك زولا يسوليك نشا ).
.

أيام مايو , بنات الثانوى العالى عاملات مظاهرات ضد الحكومة . البوليس يضرب فيهن بمسيل الدموع ويسكهن .. والبمسكا يجيبا يركبا الكومر . الكومر أتملا بنات وحارسو شاويش رباطابى قاعد فى طرفو .

أدروب جا مارى لقى الكومر ملان بنات زى الفستق , وبدا يتلفت يمين شمال يفتش فى الطريقة التقعدو وسط البنات . بعد شوية أدروب بدأ يهتف من بعيد (تسقط مايو .. يسقط نميرى ) والرباطابى يعاين ليهو من بعيد ما شقالوبو الشقلة .

أدروب لامن زهج , قرًب شديد من الكومر , وفى وش الرباطابى بدأ يصرخ ويهتف (عاش كفاح الطبقة العاملة .. عاش الحزب الشيوعى السودانى) . الرباطابى نزل من طرف الكومر ودفر أدروب بعيد لامن رماه , وقالو (يازول أمش من هنا , والله إن بقيت لينين .. ما بتركب !).

.

فلاتى شقال عتال فى سوق الخضار . تاجر بنقو , البوليس مراقبو ومتابعو , نادا الفلاتى وقال ليهو: تعال يا حاج محمد بالله شيل لى المقطف دا وصلو لى المحطة . الفلاتى شال المقطف المخيط فى راسو ومتابع تاجر البنقو , البوليس قبضم الإثنين .. وقدامن فتح المقطف لقى مليان قناديل بنقو فساقم دخلم الحراسة.

فى المحكمة , تاجر البنقو أصر أنو لا بيعرف الفلاتى دا ولا شافو قبل كدا . الفلاتى المسكين أخد سبعة سنين سجن !.

الفلاتى المسكين قضى مدتو وطلع من السجن ومشى بيتو بيًت وتانى يوم الصباح جا السوق يسترزق . واحد ود حلال كوركلو : بالله يا حاج محمد تعال شيل لى المقطف دا . الفلاتى عاين ليهو وهزا راسو (أ أااا .. حاج مهمد تانى ما يشيل إلا أنكوليب بسس).

واحد أدروب فكر يعمل ليه مشروع كدا عشان يربحو فقام عمل ليهو مشروع دواجن في بحري أصلو أصحابوا قلوا ليهو الجداد بجيب قروش كتيرة في كسلا ....أها المهم عمك بعد ستة شهور عملن عشرة ألف جدادة وبدا في فكرة التسويق ....قام جاب ليهو لوري سفنجة شحنها ليك بالجداد واتحرك عاني كسلا...أول ما قطع كبري بحري على الخرطوم كبشوه ليك ناس الضرايب ..
وسألوه...يا أدروب إنت شاحن شنو ...قاليهم ...جداد يشحن والله..
طيب يا أدروب الجداد دا سمان كدي بتأكلو شنو يا أدروب ...(طبعا أدروب هنا طمع وفكر في الحوافز أو الإعفاء الضريبي)..فقام رد عليهم ...سمسم نأكل ...مسئول الضرايب قام صاح ليك في أدروب ...أدروب إنت مجنون العصارات واقفة وكمان تأكل الجداد سمسم...ألف جدادة غرامة ...أدروب أكلها في خاطرو وأتوكل...
في تفتيش سوبا نفس السؤال من ناس الضرايب...أدروب قاليهم بأكلو قمح ...شخطوا فيهو المسكين ...المخابز واقفة وتأكلوا قمح يا مفتري ...ألف جدادة غرامة ...
المهم كل ما يجي في نقطة تفتيش ناس الضرايب يملحوه ليك بألف جدادة قام أدروب زهج شديد وفضل معاه بس ألف جدادة وهو داخل على تفتيش كسلا ....الجماع ثبتوه ليك وسألوه نفس السؤال المحير ...الجداد دا بتأكلوا شنو يا أدروب سمااااااان كدي ...؟؟؟؟؟
أدروب قام قاليهم .....((الجداد بديهو قروش وبيأكل بطريقتو))...هههههههههههه

تحياتي لكل الرايعين ....من أبناء وطني المثابرين والقابضين على الجمر ...بس قلنا نفك الدبرسة وكدا....

شيخ جامع قطع إشارة المرور الحمرا ركن علي اليمين وسجد سجود سهو

إمراءة كبيرة من اهل العوض بتاخد فى حصة محو اميه وكان الدرس عن دخل حامد وخرج حامد
كل ماالاستاذ يقول دخل حامد تقوم المرة تغطى وشها
ولما يقول خرج حامد تفتح وشها
لما رجعت البيت زوجها سأله اها الليله ادوكم شنو؟
قالت ليه هو حامد خلانا نقرا طالع وداخل فينا

إمراءة كبيرة من اهل العوض بتاخد فى حصة محو اميه وكان الدرس عن دخل حامد وخرج حامد
كل ماالاستاذ يقول دخل حامد تقوم المرة تغطى وشها
ولما يقول خرج حامد تفتح وشها
لما رجعت البيت زوجها سأله اها الليله ادوكم شنو؟
قالت ليه هو حامد خلانا نقرا طالع وداخل فينا

شكر يا باشمهندس بخيت على إثراء البوست ...بروائعك الدسمة ...تحياتي

تشكر يا قرابة يا ابو الجل وانشاء الله عودة حميدة واذا اتصلت بناس البيت سلم عليهم كثير

يبلغ يا حبيب ....وزي ما طلبت سابقًا صار لدي برنامج سكايبي بس في مشكلة صغيرة في الجهاز ...وأوعدك أول ما تنحل إن شاء الله حنبدأ في التواصل الإسفيري...تحياتي لك وللجميع

وهاك دي ...ياأخ بخيت...ولكل الأحباب...وبالأخص حمزة المسجل غياب
قالو فلاتي في الحج دخل حمامات النسوان
ناس الهيئة كوركو فيهو يا راجل ما بتعرف تقرى
قال : نأرف تقرى لكن هاجي للوالدة

واحد كييف قاطع في التمباك(الله يكرم السامعين).. كان مسافر بي القطر
قاعد جمبو وليد كل مايطلع الحقة يقول ليهو لو تسمح يا عم ويكب نص الحقة في خشمو
ويادوبهم طلعوا من المحطة عمنا لقى ليك حقتو خلااااس إتجهجهت
قام قال ليهو : يا ولدي إنت شغال شنو؟؟؟
والله يا عم أنا طالب
بتقرا وين؟؟؟
بقرا في ود مدني
أها أديك نصيحة تنفعك يا ولدي
جداً ياعم .. شكراً يا عم
قرايتك دي أمشي كملا في الفاشر

واحد رباطابي جزار....نهاية اليوم شايل عظام من الجزارة
لاقاه جعلي قال ليهو : إنتَ عازم كلاب؟؟
الرباطابي قال ليهو : أيوة...إنتَ الكرت حقّك ما جاك؟؟

واحد مسطول جاء لى ست الشاى قالت ليه..
اديك جا بنة؟...
قال ليها لا ...
الديك جاء رمى الساس....

واحد جنوبي دخل بوتيك ملابس

شاف ستيانة سأل البائع وقال ليهو

إنتَ طاقيه بتاع نفرين دا ...بكم؟؟

واحد مرتو عضتا كديسة قامت ماتت، صاحبو جا يعزى لقى الفراش مليان رجال قاليهو ديل كلهم جايين يعزو قال ليهو ابدا جايين إستلفو الكديســـــة.........

واحد مسطول بصلي تلفونو رنه قام ردا و هو بصلي !قال ليه انت وين ؟

قال في التحيات لله

حلفاوي عندو زاوية بصلي فيها بالجماعة جاء مغترب بني مسجد جنب الزاوية الحلفاوي عمل يافطة كتب فيها تنزيلات هائله : الظهر والعصر من اربعه لي اثنين والمفاجأه الكبري الصبح الساعة ثمانية

-مسطول سأل اذا اتزوجنا الحور العين نسوانا ديل بودوهم وين ؟؟

رد صحبو : عزاب للكفار

مسطول دايما يولع سيجارتيين ويشربهن سوا .. صاحبو سألوا : ليه انت بتشرب سيجارتين ؟
قال : واحدة لي وواحدة لأخوي الفي السجن ..
بعد مدة صاحبوا شافوا بيولع سيجارة واحدة قام قال ليهو مبروك اخوك طلع ولا شنو؟؟؟
رد عليو المسطول لالا بس انا خليت التدخين